Дьокуускай коммунальнай сулууспалара хаары ыраастыы таҕыстылар

Өрөспүүбүлүкэ киин куоратыгар хаар түһэн, халтараан буолан, суолу-ииһи харгыстаата. Куорат уулуссаларын хаартан ыраастыы бастакы симиэнэҕэ алта тиэхиньикэ үлэлии таҕыста.

Күн устата өссө икки тиэхиньикэ тахсара былааннанар. Билиҥҥитэ Экспериментальнай уулуссаны, Лермонтовтан Сэргэлээхтиир суолунан Поярков уулуссатыгар диэри ыраастыахтара. Барыта 3 МТЗ-82, 2 КАМаз, 2 «Бобкет» тиэхиньикэлэр үлэлии сылдьаллар.

Космонавтар, Котенко, Дальнай, Рыдзинскай, Халтурина уулуссалар суолларын грейдер дэхсилии сылдьар диэн Дьокуускай куорат дьаһалтатын пресс-сулууспата иһитиннэрэр. Ону таһынан Сэргэлээхтиир суолу, Отдых, Студенческай уулуссалар суолларын кытыытын грейдер дэхсилиир.

Ону таһынан коммунальнай сулууспа үлэһиттэрэ оптуобус тохтобулларын ыраастыыллар.