Дьокуускай куоракка 1983 с.т. эр киһи быһаҕынан анньыллан балыыһаҕа киирдэ

Ааспыт сууккаҕа  Саха сиригэр 9 буруйу оҥоруу тахсыбыта бэлиэтэммит. Бу туһунан СӨ Борокуратууратын пресс-сулууспата суруйар.

Дьокуускай куоракка Бабушкин уулуссаҕа биир дьиэттэн 1983 с.т. эр киһи быһаҕынан анньыллан балыыһаҕа киирбит, уорбаланааччы тутулунна.

Киин куоракка уоруу тахсыбыта регистрацияланна. Дьокуускай уонна Нерюнгри куораттарга түөкүттэр 500 тыһ. солк. кэриҥэ харчыны уорбуттар (схемата – аккаунт алдьатыыта, ТГ-ханаалга авиабилиэт атыылааһына, инвестиция).

Мииринэйгэ массыына күрэтэн барыы түгэнэ тохтотулунна. Дьокуускайга сокуоннайа суох наркотигы эргинии тохтотулунна, ону кытта сокуоннайа суох сааны-саадаҕы, ботуруону харайыы чахчыта билиннэ.

Киһи өлүүлээх суол быһылаана регистрацияламмата.

Суукка иһигэр итирик туруктаах 4 суоппар тутулунна.