Дьокуускай куоракка 67 саастаах суоппар массыынанан киһини түҥнэри көппүт

Алтынньы 30 күнүгэр Дьокуускай куоракка 67 саастаах суоппар «Тойота Ленд Крузер Прадо» массыынанан 26 саастаах кыыһы түҥнэри көппүт.

Эмсэҕэлээбит кыыһы балыыһаҕа киллэрбиттэр. Бу туһунан Саха сиринээҕи  Госавтоинспекция пресс-сулууспатыгар иһитиннэрдилэр.

Саахал Окружной шоссеҕа 78 №-дээх дьиэ таһыгар буолбут. Быһылаан тахсыбытын туһунан иһитиннэрии суһал мэдиссиинэ  көмөтүн операторыгар күнүс 14:00 чаас саҕана киирбит. Саахал тахсар кэмигэр өрөмүөн үлэлэринэн сибээстээн светофор  араарыллыбыта быһаарылынна. Суоппар этэринэн, кини 60-ча км/ч түргэнинэн айаннаан испит уонна кыыс эмискэ суолга тахсыбытын көрбөтөх.