Дьокуускай куоракка 9 суол быһылаана бэлиэтэммит

Олунньу 25 күнүгэр Дьокуускай куоракка 9 суол быһылаана тахсыбыта регистрацияламмыт. 

Икки түбэлтэҕэ суоппардар суол быраабылатын кэһэн, саахал миэстэтин быраҕан барбыттар. Ол туһунан киин куорат Госавтоинспекцията иһитиннэрэр.

Бастакы суол быһылаана сарсыарда 10.00 чаас саҕана  Советскай Армия 53/1 №-дээх дьиэтин таһыгар тахсыбыт.  Биллибэт суоппар гаас турбатыгар кэтиллибит уонна саахал тахсыбыт сириттэн быраҕан барбыт.

Иккис суол быһылаана сарсыарда 11.00 чаас саҕана 40 лет Победы түөлбэҕэ 61 №-дээх дьиэ таһыгар бэлиэтэммит. Биллибэт суоппар  «Сузуки Свифт» массыынаны таарыйбыт уонна эмиэ саахал тахсыбыт сириттэн быраҕан барбыт.