Дьокуускай куоракка дьахтар гражданскай эрин өлөрүүгэ буруйданна

Өрөспүүбүлүкэ борокуруорун солбуйааччы Павел Смагоринскай Дьокуускай куорат олохтооҕо, 40 саастаах дьахтарга сыһыаннаах холуобунай дьыала тэриллиитин өйөөтө. Дьахтар РФ УК 105-с ыстатыйатын 1 чааһынан (өлөрүү) буруйданна. Бу туһунан СӨ Борокуратуурата иһитиннэрэр. 

Суукка биллибитинэн, 2025 сыл от ыйыгар сууттанааччы уонна кини гражданскай эрэ арыгылыы олороннор, айдаарсан турбуттар, салгыы охсуһан барбыттар. Ол кэмҥэ дьахтар эрин түөһүн туһаайыытынан куухуньа быһаҕынан биирдэ анньыбыт. Быһах түөһүгэр батары киирэн, эр киһи суһал көмө кэлиэн иннинэ тыына быстан миэстэтигэр өлбүт.

Судаарыстыбаннай буруйдааччы этиитин учуоттаан, дьахтар 7 сылга көҥүлэ быһыллан уопсай эрэсиимнээх көннөрөр холуонньаҕа ыытылынна. Суут моральнай уонна материальнай хоромньуну толуйуу суотугар эмсэҕэлээбит өрүккэ 2 мөл. солк. тахса суумалаах гражданскай ирдэбили бигэргэттэ.

Суут бириигэбэрэ сокуоннай күүһүгэр киирэ илик.