Дьокуускай куоракка эр киһи балыгы уоран көҥүлэ быһылынна

Дьокуускай куорат борокуратуурата Алтай кыраайын 58 саастаах олохтооҕо холуобунай дьыалатыгар судаарыстыбаннай буруйдааһынын өйөөтө. Кини уорууга уорбаланар.

Суут быһаарыытынан буруйданааччы олунньуга түүн куорат киинин бааһынай ырыынагын территориятыгар булуллубут күлүүһүнэн ыскылаат дьиэтин арыйан киирбит уонна 9100 солк. суумалаах форель балыгы уорбут.

Бэлиэтиир буоллахха, буруйданааччы бу иннинэ бааһынай ырыынак территориятыгар уорууга атын холуобунай дьыалатыгар бириигэбэрэ тахсыбытын кэннэ сарсыҥҥы күнүгэр эбии атын буруйу оҥорбут.

Судаарыстыбаннай буруйдааччы этиитин учуоттаан, суут эр киһини 2 сыл 10 хонукка холуонньа-поселенияҕа хаайарга уураахтаата. Бириигэбэр сокуоннай күүһүгэр киирэ илик диэн СӨ Борокуратууратын пресс-сулууспата суруйар.