Ааптар хаартыскаҕа түһэриитэ
Бүгүн Арассыыйа күнүгэр Дьокуускай куорат Кыайыы болуоссатыгар Мультимедийнай VK портал интерактивнай инсталляцията туран дьон-сэргэ болҕомтотун тарта. VK портал көмөтүнэн ким баҕарар Арассыыйа тоҕус куоратыттан биирдэстэрин кытары быһа сибээстэһэр кыахтанна.
Онуоха VK портал экраныгар чугас тиийдэххинэ, көмөлөһөөччү кыыс тугу гынаргын ыйан-кэрдэн биэрэр. Мин сылдьарбар үгүс киһи Самаараны кытары эҕэрдэлэстэ.
Санатан эттэххэ, куораттар экраҥҥа уочаратынан күнү быһа көстүөхтэрэ. Ол курдук Москва олохтооҕо сарсыарда Хабаровскайы кытары, оттон чаас ааспытын кэннэ Дьокуускайы кытары кэпсэтиэн сөп. Видеосибээһинэн Дьокуускайтан Москваны, Санкт-Петербуру, Хабаровскайы, Иркутскайы, Дербени, Нижнэй Новгороды, Самаараны, Ставрополи, Челябинскайы кытары сибээстэһиэххэ сөп.
VK портал биһиэхэ Кыайыы болуоссатыгар туруорулунна, оттон Москваҕа – Зарядье пааркаҕа, Санкт-Петербурга – Мариинскай дыбарыас иннигэр Исаакиевскай болуоссакка тураллар. Экран нөҥүө кэпсэтэ турдаххытына, экраҥҥа Спаркс единорог, Персик куоска, Дигги ыт баар буолуохтара, кинилэр кэпсэтии кыттыылаахтарыгар үҥкүүлүүллэригэр, стикердэри ыыталларыгар көмөлөһүөхтэрэ. VK порталлар аттыларыгар биллэр-көстөр блогердары көрсүөххүтүн сөп.
Саҥа дьыллааҕы түүн биэс уол уонна үс кыыс күн сирин көрдүлэр. Бу туһунан өрөспүүбүлүкэ Ил…
Тохсунньу 1 күнүгэр өрөспүүбүлүкэ саамай кырдьаҕас олохтооҕун Татьяна Сафонованы 105 сааһын туолбутунан эҕэрдэлээтилэр. Киниэхэ дойду…
Саҥа дьыл бырааһынньыгын иннинэ Саха сириттэн сылдьар байыаннай дьайыв байыастапа өрөспүүбүлүкэттэн Саҥа дьыллааҕы бэлэхтэри туттулар.…
Уһун кыһыҥҥы өрөбүллэр – үчүгэйдик сынньанар эрэ буолбакка, саҥаҕа холонон көрөргө, доруобуйаны чөлүгэр түһэрэргэ уонна…
Сунтаар сэлиэнньэтигэр биэс киһи өлбүтүнэн «икки уонна онтон элбэх киһини сэрэҕэ суохтан өлүүгэ тиэрдии» диэн…
Арассыыйаҕа бигэргэтиллибит халандаарынан, 2026 сылга биһигини 28 бырааһынньык уонна өрөбүл күннэрэ күүтэллэр. Саҥа дьыллааҕы өрөбүллэр…