Дьокуускай куоракка оҕотун өлөрөргө соруммут ийэҕэ тэриллибит холуобунай дьыаланы суукка ыыттылар

Дьокуускай куорат борокуратуурата олохтоох дьахтарга холуобунай дьыала буруйдуур түмүгүн бигэргэттэ. Кини Холуобунай кодекс 105 ыстатыйатын 1 чааһынан — 30 ыстатыйа 3 чааһынан (өлөрөргө сорунуу) буруйданар.

Силиэстийэ быһаарбытынан, 2024 сыл сэтинньи 25 күнүгэр күнүс буруйданааччы бэйэтин дьиэтигэр итирик туруктаах сылдьан, кыыһын кытта этиһии кэмигэр тимир кыптыыйынан оҕотун уон төгүл төбөҕө уонна моойго охсуолаан, быһа уонна батары анньан этигэр бааһырдыыны оҥорбут.

Ону кытта кыыһа утарсыбат буолбутуттан уонна кэмигэр мэдиссиинэ сөптөөх көмөтө оҥоһуллан куһаҕан санаата тиһэҕэр тиийбэтэх.

Дьахтар буруйун билинэр, ити быһыытын итирик этим диэн быһаарар.

Буруйдуур түмүк кэнниттэн холуобунай дьыаланы суут көрүүтүгэр ыыппыттар. Бу туһунан СӨ борокуратууратын пресс-сулууспата иһитиннэрэр.