Дьокуускай куоракка сокуоннай сааһын ситэ илик уол хаҥкылыыр сиртэн суумка уорбут

ИДьМ Дьокуускайдааҕы 2-с нүөмэрдээх полиция салаатын дьуһуурунай чааһыгар олохтоох кыыс кэлэн, тус маллаах суумкатын уорбуттарын туһунан иһитиннэрбит. Хоромньу уопсай суумата 10 тыһ. солк. тахса эбит.  

Суһал көрдүүр үлэни ыытыы түмүгэр, Дьокуускай куорат биир оскуолатын 15 саастаах 9-с кылааһын үөрэнээччитэ быһаарыллыбыт.

Кыыс малын хаалларан баран “Сайсары” күөлгэ хаҥкылыы барбыт. Сокуоннай сааһын ситэ илик оҕо үрүсээк сытарын, ону ким даҕаны харабыллаабатын билэн ылаат да барбыт.

Уоруллубут малы ылбыттар.

Холуобунай кодекс 158 ыст. 2 ч. (“Уоруу”) холуобунай дьыала тэриллибит. Тустаах ыстатыйанан буруйданар дьон 5 сылга диэри көҥүллэрэ быһыллыан сөп эбит. Бу туһунан ИДьМ телеграм-ханаалыгар суруйаллар.