Дьокуускай куоракка суол саахала таҕыста

Бэҕэһээ, муус устар 19 күнүгэр, киэһэ 19 чаас саҕана киин куорат Михаил Николаев аатынан проспегын 43 «г» дьиэтин аттыгар 40 саастаах суоппар «Toyota Allex» массыынанан ПАЗ маршрутнай оптуобуһу кытта харсыста.

Быһылаан түмүгэр иномарка суоппара улахан эчэйии ылан, балыыһаҕа киирдэ. Тахсыбыт саахал төрүөтүн быһаарарга бэрэбиэркэ ыытыллар. Бу туһунан ИДьМ Госавтоиниспиэксийэтин пресс-сулууспата иһитиннэрэр.

Санаттахха, муус устар 4 күнүгэр эмиэ киэһэ 19 ч. 15 мүн. Дьокуускай куоракка Михаил Николаев проспегар киһи өлүүлээх суол быһылаана тахсыбыта бэлиэтэммитэ. Тойота Марк-II  массыынаны ыытан испит 2005 с. т. кыыс суолга утары тахсан биэрэн, оптуобуһу кытта харсыспыта.