Дьокуускай куоракка управляющай хампаанньа үлэһиттэрэ 22 мөл. солк. суума ОДьКХ төлөбүрүн уорбуттар

СӨ Борокуратуурата Дьокуускай куоракка управляющай хампаанньа учредителигэр уонна кылаабынай буҕаалтырыгар сыһыаннаан холуобунай дьыалаҕа буруйдуур быһаарыытын бигэргэттэ. Кинилэр РФ ХК 4 ч. 160 ыст. (дуоһунастарын туһанан улахан суумалаах харчыны уоруу) буруйданаллар.

Силиэстийэ көрдөрүүтүнэн, 2015-2019 сылларга сууттанааччылар, ону тэҥэ хампаанньа дириэктэрэ куомуннаһан «Якутскэнерго» АХ, «Водоканал» АХ уонна «Теплоэнергия» АХ  ыытыллыахтаах нэһилиэнньэттэн хомуллубут 22 мөл. солк. суумалаах үбү-харчыны уорбуттар.

Холуобунай дьыала Дьокуускай куорат суутугар ыытыллыаҕа. Хампаанньа дириэктэригэр сыһыаннаан холуобунай дьыала суут көрүүтүгэр сылдьар.
Холуобунай дьыала ИДьМ сулууспатынан силиэстийэлэммит. Бу туһунан СӨ Борокуратуурата суруйар.