Киин куоракка биир управляющай тэрилтэ сокуоннайа суох эбии төлөбүрү хомуйбут

Дьокуускай куорат борокуратуурата олохтоох киһиттэн сайабылыанньа киирбитинэн, дьиэ-уот быраабын тутуһуллуутун хонтуруоллаабыт.

СӨ Борокуратуурата пресс-сулууспата иһитиннэрбитинэн, биир куорат управляющай хампаанньата Борисовка түөлбэ олохтоохторуттан баһаар сигнализациятын тэхиниичэскэй көрүүтүгэр сокуоннайа суох эбии төлөбүрү хомуйбут.

Бу өҥөнү оҥорууга олорор дьиэни бас билээччилэр уопсай мунньахтарыгар сөптөөх быһаарыынан ылымматахтар эбит. Итинэн сибээстээн, куорат борокуратуурата «Роскатех» ХЭУо управляющай тэрилтэ аадырыһыгар сэрэтии ыытта. Онон элбэх кыбартыыралаах дьиэлэр олохтоохторугар сотору кэминэн 180 тыһ. солк. кэриҥэ суумаҕа перерасчет ааҕыллыаҕа.