Хаартыска: Саха сирин Быыһыыр сулууспатын пресс-сулууспата
Бу күннэргэ Быыһыыр сулууспа дьуһуурунайыгар 112 нүөмэринэн 203 микроройуон аннынан өрүскэ эр киһи түспүтүн туһунан иһитиннэрии киирбит.
Быһылаан тахсыбыт сиригэр тута СӨ Быыһыыр сулууспатын быыһааччылара уонна «Дьокуускай куорат» МТ уокуруктааҕы дьаһалтатын быыһыыр сулууспата тиийбит. Онуоха диэри халлаан номнуо хараҥарбыт. 203- с микрооройуоҥҥа уот лииньийэтин биир тирэҕин аттыгар ууга курданарыгар диэри түспүт эр киһини булбуттар.
Эр киһи сарсыарда балыктыы барбыт, оттон киэһэ төннөн истэҕинэ чараас муус уйбакка хайдан ууга түспүт.
«Биһиги кинини буларбытыгар, таҥаһа барыта тоҥон хаалбыт этэ», — диэн СӨ Быыһыыр сулууспатын быыһааччыта Николай Обоев кэпсиир. – Кинини муустан үс атахтаах кирилиэһи туһанан таһаарбыппыт, өссө ону уһаппыппыт. Эр киһи кирилиэстэн тардыһан тахсан баран, түөрт атахтаан биһиги диэки кэлбитэ. Кини мэдиссиинэ көмөтүттэн аккаастаммыта».
СӨ Быыһыыр сулууспатын быыһааччылара Николай Обоев уонна Вадим Винокуров көмөлөрүнэн алдьархайга түбэспит балыксыт быыһанна.
СӨ Быыһыыр сулууспата Саха сирин олохтоохторун билиҥҥ кэмҥэ чараас мууһунан сылдьар сэрэхтээҕин санаталлар. Олоххутун, доруобуйаҕытын харыстааҥ, чараас мууһунан сылдьымаҥ диэн сүбэлииллэр.
Өскөтүн эһиэхэ көмө наада буоллаҕына, маннык нүөмэргэ эрийиҥ: “112” эбэтэр 8 (4112) 45-90-19 – СӨ Быыһыыр сулууспатын суһал дьуһуурунайа.
Аллайыаха улууһун полициятын дьуһуурунай чааһыгар олохтоох киһи халабырдьыттары тутарга сайабылыанньа түһэрбит. Полиция боломуочунайдара көрдүүр даьаһалларынан…
Өлүөхүмэтээҕи киин балыыһаҕа Арассыыйаҕа оҥоһуллубут саҥа рентген-аппараата үлэлээтэ. Бу туһунан Доруобуйа харыстабылын министиэристибэтин пресс-сулууспата иһитиннэрэр.…
Арассыыйа Бэрэсидьиэнэ Владимир Путин алтынньы 30 күнүгэр бырабыыталыстыба чилиэннэрин кытары көрүстэ. Мунньахха тыа сирин нэһилиэнньэлээх…
Саха сиригэр материальнай производство салаатыгар судаарыстыбаннай бириэмийэлэргэ докумуоннары тутуу саҕаланна. Бырамыысыланнас уонна геология эйгэтигэр Ю.Н.Прокопьев, …
2024 сыл 9 ыйыгар Онкология саҥа киинигэр 35 тыһыынчаттан тахса киһи амбулатория өҥөтүнэн туһанна, бу…
ИДьМ дьуһуурунай чааһыгар Покровскай куорат олохтооҕо дьиэтигэр суоҕуна биллибэт киһи кыбартыыратын иһиттэн «LG» тэлэбииһэри уорбутун…