Дьокуускай куорат 24 саастаах олохтооҕо харчыны күһэйэн ылыыга уорбаланар

Дьокуускай куорат 24 саастаах олохтооҕо төлөпүөнү уонна харчыны күһэйэн ылыыга уорбаланар.

ИДьМ сулууспатын 2 №-дээх полициятын дьуһуурунай чааһыгар киин куоран олохтооҕо сайабалыанньа суруйбут. Кини быһаарбытынан эр киһи мобильнай төлөпүөнүн былдьаабыт, ол кэннэ албыннаан туран харчыны күһэйэн ыларга санаммыт. Суһал-көрдүүр дьаһалларынан холуобунай ирдэбил үлэһиттэрэ уорбаланааччы лиичинэһин быһаардылар. Уорбаланааччы 24 саастаах эмсэҕэлээччи билэр киһитэ буолан биэрбит.

Хара санаалаах киһи эмэсэҕэлээччигэ дьиэтигэр тиийбит уонна кини туһунан араас сурах тарҕаммытыгар буруйдаабыт. Уорбаланааччы 50 000 солк. харчыны ирдээбит. Эмсэҕэлээччи куттанан төлөпүөнүн туттарбыт  уонна 6 000 солк. каартатыгар ыыппыт. Уоруллубут төлөпүөн уонна харчы төннөрүлүннэ. Холуобунай дьыала тэрилиннэ. Бу туһунан  ИДьМ пресс- сулууспата суруйар.