Дьокуускай куорат 3№-дээх балыыһатыгар байыаннай киинэлэри көрдөрөллөр

Улуу Кыайыы 80 сылыгар Дьокуускай куорат 3№-дээх балыыһатыгар байыаннай киинэлэри көрдөрүүлэри тэрийдилэр, диэн тэрилтэ пресс-сулууспата иһитиннэрдэ.

Муус устар 24 күнүгэр буойуннар хорсун быһыыларын туһунан кэпсиир түөрт киинэ көрдөрүллүбүт — «Александр Маленький», «Аты-баты, шли солдаты», «Баллада о солдате» уонна «В бой идут одни старики». Салгыы атын киинэлэри ыам ыйын бүтүөр диэри көрдөрөллөрүн былаанныыллар.