Дьокуускай куорат 3 нүөмэрдээх балыыһата буойуттарга икки массыынаны ыытта 

Дьокуускай куорат 3 нүөмэрдээх балыыһата Саха сириттэн байыаннай эпэрээссийэҕэ кытта сылдьар байыастарга икки «Волга» массыынаны ыытта. Ол туһунан СИА суруйар. 

Балыыһа кылаабынай бырааһа Светлана Давыдова бэлиэтээбитинэн, бу сулууспалыы сылдьар саха уолаттарыгар бастакы эрэ көмө буолбатах эбит.

«Эрдэ биһиги кэлэктииппит Донбаас олоохтоохторугар харчынан көмөлөспүппүт, байыаннай дьайыы кыттыылахтарыгар таҥас тикпиппит. Ону таһынан, быраастарбыт байыаннай госпиталларга үлэлээбиттэрэ. Соторутааҕыта байыастарга «УАЗ» массыына туттарбыппыт. Балыыһаҕа саллааттар ийэлэрэ, кэргэттэрэ үлэлииллэр. Кинилэргэ биһиги кэлэктииппит көмөлөһөр, өйүүр», — диэн Давыдова эттэ.