Дьокуускай куорат 5-с №-дээх оскуолата байыаннай дьайыыга көмөлөһөр

Бүгүн Дьокуускай куорат Н.О. Кривошапкин аатынан 5-с №-дээх оскуола дириэктэрэ Алексей Семенов, үлэһиттэрэ Лариса Артемьева уонна Валерия Лукина «Боевые шелкопряды» волонтердар хамсааһыннарыгар көмөлөрүн аҕаллылар.

Ол курдук, оскуола оҕолоро суруйбут суруктарын, оҥорбут оҥоһуктарын, нашлемниктарын анал байыаннай дьайыыга ыытарга анаан волонтердарга тиксэрдилэр. Итини таһынан ыстаапка мэлдьи үлэлиир 5 киһи аһылыгын быһаарыах буоллулар. 5-с №-дээх оскуола үлэһиттэрэ кыайыы туһугар бииргэ үлэлэһэргэ бэлэмнэрин эттилэр.

3-с «б» кылаас үөрэнээччилэрэ учууталлара Римма Чиркова көҕүлээһининэн анал байыаннай дьайыыга сылдьар байыастарга уруһуйдаабыт уруһуйдарын ыыппыттар. Волонтердар оҕолор оҥоһуктарын, уруһуйдарын, аадырыстаах көмөлөрүн хорсун-хоодуот буойуттарга тиэрдиэхтэрэ.

«Дьокуускай куорат 5-с №-дээх оскуолатын үлэһиттэригэр, кэллэктиибигэр, үөрэнээччилэргэ махталбытын тиэрдэбит. «Боевые шелкопряды» волонтердар хамсааһыннарын аатыттан Сахабыт сирин үтүө-мааны дьонугар, оҕолорбутугар, табыллыыны, үлэлэригэр, үөрэхтэригэр ситиһиини, тус олохторугар дьолу-соргуну, кытаанах доруобуйаны баҕарабыт. Аҕа дойдуларын көмүскүү сылдьар буойуттарбыт барахсаттарга күүс-көмө буоларгытыттан сэмэйдик үөрэбит, бу үүнэр көлүөнэ ыччаты патриотическай иитиигэ улахан үлэнэн буоларын бар дьоммутугар биллэрэбит», — диэн «Боевые шелкопряды» волонтердара махталларын этэллэр.