Бу эбийиэк Саха сирэ уонна РФ ВЭБ сайдыытын судаарыстыбаннай корпорациятын бииргэ үлэлээһиннэрин сөбүлэһиитин чэрчитинэн тутулунна.
Бу сөбүлэһии Дьокуускай куорат үөрэҕин материальнай-техническэй баазатын бөҕөргөтүү уонна кэҥэтии быһыытынан олоххо киллэрии бырайыагынан буолар.
«Бүгүн биһиги Дьокуускай куорат 5-с №-дээх уонна Пригороднай 12-с №-дээх оскуолаларыгар эбии икки дьиэни арыйдыбыт. Быйыл Дьокуускай куоракка 6 оскуоланы тутууну саҕалыыбыт. Урут маннык суох этэ. Маннык хайысханы инникитин даҕаны тутуһуохпут диэн эрэнэбин», – диэн эттэ Айсен Николаев.
Ил Дархан тутааччыларга уонна куорат дьаһалтатыгар түргэн тэтимнээх уонна хаачыстыбалаах үлэлэрин иһин махтанна. 3 этээстээх 2 тыһ кв.м иэннээх 5-с №-дээх оскуола эбии тутуутугар үөрэтэр кэбиниэттэртэн, лабораториялартан ураты өссө тренажернай уонна хореографическай саалалардаах, факультативнай дьарыктар, психолог, социальнай педагог, медиатека хостордоох, ону сэргэ лифт уонна инбэлииттэргэ быһа үөһэ тахсар анал лифт оҥоһуллубут.
Бүгүн 5-с №-дээх оскуолаҕа балтараа тыһыынча кэриҥэ оҕо үөрэнэр, гуманитарнай уонна технологическай хайысханан үөрэх барар.
Санатан эттэххэ, оскуолаҕэ эбии тутууну таһынан оскуола территорията уонна аттынааҕы дьиэлэр тиэргэннэрэ кытары оҥоһуллубута. Куорат мэрэ Евгений Григорьев бэлиэтээбитинэн, инникитин даҕаны маннык дьаһанан үлэлиэхтэрэ уонна оскуола сүрүн куорпуһугар быйыл капитальнай өрөмүөнү ыытыахтара.
«Киин куоракка үөрэх стандарка эппиэттиэхтээх, олор кэлин өрөспүүбүлүкэ үрдүнэн тарҕаныахтаахтар. Мин эрэнэбин, Бэрэсидьиэн Владимир Путин Арассыыйа Бырабыыталыстыбатын уонна сайдыытын институттарын көмөтүнэн өрөспүүбүлүкэ ыытар бырайыактара улахан көдьүүстээх буолуохтара уонна сотору кэминэн биһиги хаачыстыбалаах үөрэхтээһини ситиһиэхпит», — диэн эттэ Ил Дархан.
Айсен Николаев учууталлары уонна төрөппүттэри оскуола саҥа куорпуһугар киирбиттэринэн эҕэрдэлээтэ уонна Саха сирэ уонна Арассыыйа инникитэ педагогтар илиилэригэр баарын бэлиэтээн эттэ.
Саҥа дьыллааҕы бырааһынньыктары көрсө Судаарыстыбаннай Дуума дьокутаата Олег Леонов ТАСС-ка биэрбит кэпсэтиитигэр пиротехниканы куттала суох…
ИДьМ сулууспатын Ньурба улууһун отделын дьуһуурунай чааһыгар олохтоох киһи суотабай төлөпүөнүн уорбуттарын туһунан сайабылыанньа суруйбут.…
Дьокуускай куорат борокуратуурата сэдэх (орфаннай) ыарыынан ыалдьар инбэлиит быраабын көмүскээн, үрдүк сыаналаах эминэн хааччылларын ситистэ.…
Байыаннай дьайыы бэтэрээнин Пеледуй бөһүөлэк орто оскуолатыгар тэриллибит Москва анныгар фашистскай халабырдьыттары утары кыргыһыы 84…
Саҥа Дьыл чугаһаабытынан Саха сирин олохтоохторо дьиэлэригэр, «утренниктарга» уонна тэрилтэлэрин киэһэлэригэр Тымныы Оҕонньору уонна Хаарчаананы…
Ил Дархан 2025 сыл түмүктэрин таһаарыаҕа уонна өрөспүүбүлүкэ сайдыытын кэскилин торумнуоҕа. Ахсынньы 23 күнүгэр, Дьокуускай…