Дьокуускай куорат, Алдан уонна Нерюнгри улуустарын мировой судьуйалара талылыннылар

Алтынньы 23 күнүгэр Ил Түмэн сэттис ыҥырыылаах уон төрдүс (уочараттаах) пленарнай мунньаҕын кэмигэр норуот дьокутааттара Дьокуускай куорат, Алдан уонна Нерюнгри улуустарын мировой судьуйаларын дуоһунастарыгар хандьыдааттары көрдүлэр. Хандьыдааттар тустарынан иһитиннэриини Ил Түмэн бэрэссэдээтэлин солбуйааччы – Ил Түмэн Судаарыстыбаннай тутулга уонна сокуону оҥорууга сис кэмитиэтин бэрэссэдээтэлэ Афанасий Владимиров билиһиннэрдэ.

Кистэлэҥ куоластааһын түмүгүнэн маннык уураахтар ылылыннылар:

• Дьокуускай куорат №40-дээх суут учаастагын мировой судьуйатын дуоһунаһыгар болдьоҕор хааччаҕа суох Агата Подрясова талылынна.
• Дьокуускай куорат №44-дээх суут учаастагын мировой судьуйатын дуоһунаһыгар болдьоҕор хааччаҕа суох Любомира Горохова талылынна.
• Дьокуускай куорат №63-дээх суут учаастагын мировой судьуйатын дуоһунаһыгар болдьоҕор хааччаҕа суох Юрий Никодимов талылынна.
• Алдан улууһун №52-дээх суут учаастагын мировой судьуйатын дуоһунаһыгар болдьоҕор хааччаҕа суох Петр Александров талылынна.
• Нерюнгри улууһун №39-с суут учаастагын мировой судьуйатын дуоһунаһыгар болдьоҕор хааччаҕа суох Александр Андросов талылынна.
• Нерюнгри улууһун №61-дээх суут учаастагын мировой судьуйатын дуоһунаһыгар болдьоҕор хааччаҕа суох Мария Полина талылынна.

Ил Түмэн аатыттан парламент спикерэ Алексей Еремеев талыллыбыт хандьыдааттары эҕэрдэлээтэ уонна мировой судьуйаларга гражданнар бырааптарын, көҥүллэрин суутунан көмүскэлигэр ситиһиилээх үлэни баҕарда.