Дьокуускай куорат баһылыга Евгений Григорьев байыастар оҕолорун эҕэрдэлээтэ

Дьокуускайга Ф.И.Авдеева аатынан оҕо айымньытын дыбарыаһыгар «Амигос» театральнай устуудьуйа Саҥа дьылы көрсө байыастар оҕолоругар  «Снежная королева» остуоруйаны көрдөрдө.

Тэрийээччилэринэн байыастар дьиэ кэргэттэрин өйүүр киин, Дьокуускай куорат үөрэххэ уонна ыччакка управлениелара буоллулар.

Саалаҕа мустубут байыастар оҕолорун, ийэлэрин, кэргэттэрин Дьокуускай куорат баһылыга Евгений Григорьев кэлэн иһэр бырааһынньыгынан эҕэрдэлээтэ.

«Эһиги аҕаларгытынан киэн туттабыт. Кинилэр дойдубутун көмүскүүллэр, Арассыыйаны өссө күүстээх, модун кыахтаах оҥороллор. Биһиги аҕаларгыт дьиэлэригэр этэҥҥэ эргиллэн кэлэллэрин күүтэбит. Эһиги аҕаларгыт — дьоруойдар», — диэтэ Евгений Григорьев уонна ыра санаалара туоларыгар баҕарда.

Остуоруйаны көрдөрүү кэнниттэн, оҕолорго Саҥа дьыллааҕы бэлэхтэр туттарылыннылар.

Дьокуускай куорат дьаһалтатын пресс-сулууспата