Хаартыска: Мария Васильева, СИА.
Учууталлар уонна иитээччилэр үлэлэрин тупсарар, кинилэр айар уонна идэҕэ кыахтарын сайыннарар, саха тылын, литэрэтиирэтин итиэннэ төрүт култууратын үөрэтии хаачыстыбатын көҕүлүүр, өйүүр сыалтан, 2024 сылга саха тылын, литэрэтиирэтин, төрүт култууратын бастыҥ педагогтарыгар 100 тыһ. солк. суумалаах бириэмийэлэри туттарыыга куонкурус ыыталлар.
Быйыл биримиэйэлэри маннык номинацияларынан туттарыахтара:
— сахалыы тылынан үөрэтэр үөрэх тэрилтэтин саха тылын, литэрэтиирэтин уонна төрүт култууратын учуутала;
— нууччалыы тылынан үөрэтэр үөрэх тэрилтэтин саха тылын, литэрэтиирэтин уонна төрүт култууратын учуутала;
— оскуола иннинээҕи үөрэхтээһин тэрилтэтин сахалыы тылынан үөрэтэр бөлөҕүн иитээччитэ;
— оскуола иннинээҕи үөрэхтээһин тэрилтэтин нууччалыы тылынан үөрэтэр бөлөҕүн иитээччитэ;
— эбии үөрэхтээһин тэрилтэтин эбии үөрэхтээһиҥҥэ педагога.
Бириэмийэни оскуолалар мэтэдиичэскэй холбоһуктара түһэрбит сорунааччыларыттан, куонкуруһунан сүүмэрдээһин түмүгүнэн туттарыахтара.
Сүүмэрдиир куонкуруска кыттарга, үөрэх тэрилтэлэрин мэтэдиичэскэй холбоһуктара 2024 сыл тохсунньу 15 күнүгэр диэри Дьокуускай куорат үөрэххэ управлениетын кэтээн көрүүгэ уонна сайыннарыыга салаатыгар бииртэн элбэҕэ суох сорунааччы портфолиотын түһэриэхтээхтэр.
Санатан эттэххэ, 2023 сылга куонкуруһунан сүүмэрдээһин кэнниттэн тустаах бириэмийэни үс педагог ылбыта. Быйыл баһылык Евгений Григорьев көҕүлээһининэн, бириэмийэни биэс киһи тутуоҕа диэн Дьокуускай куораттааҕы үөрэх управлениетын саайтыгар суруйаллар.
СӨ урбааҥҥа, эргиэҥҥэ уонна туризмҥа миниистирэ Георгий Андреев бүгүн, ахсынньы 23 күнүгэр, СӨ Ил Дарханын…
Быйыл ахсынньы 15 күнүгэр саха литературатын төрүттээччилэртэн эдэрдэрэ, сахалыы комедия жанрын олохтообут драматург, саха уонна…
Үүнэр сылга социальнай эйгэҕэ саҥа көмө миэрэлэрэ киириэхтэрэ уонна босуобуйалар, төлөбүрдэр суумалара индексацияланан, үрдүөҕэ. Тоҕо…
“Инникигэ хардыы” эдэр чинчийээччилэр өрөспүүбүлүкэтээҕи билим кэмпириэнсийэ-куонкурустара 1996 сылтан ыытыллар. Үбүлүөйдээх 30-с тэрээһин тохсунньу 12-14…
Саха Өрөспүүбүлүкэтин Судаарыстыбаннай Мунньаҕын (Ил Түмэнин) уон алтыс ыҥырыылаах пленарнай мунньаҕа саҕаланна. Пленарнай мунньах ахсынньы…
Кыһын, ахсынньыттан олунньуга диэри, Саха сиригэр кыстыыр көтөрдөргө саамай ыарахан кэмнэр буолаллар эбит. Ол туһунан…