Дьокуускай куорат биир аралдьытар тэрилтэтигэр сокуону кэһии тахсыбытын буллулар

Дьокуускай борокуратуурата Аммосов уулуссатынан турар «Контакт-Бар» аралдьытар тэрилтэҕэ элбэх сокуону кэһии тахсыбытын арыйда.

Бэрэбиэркэ түмүгүнэн административнай дьыалалар оҥоһулуннулар уонна салайааччыга сэрэтии түһэрилиннэ.

Борокуратуура иһитиннэрэринэн, чуолаан, болдьоҕо ааспыт бородуукталары, санитарнай нуормалары кэһиини булбуттар, ону таһынан баһаарынай куттал суох буолуутун ирдэбилигэр сөп түбэспэтин быһаарбыттар, ол иһигэр иккис эвакуациялыыр аан суоҕа биллибит. Итини кытта  арыгы эргиирин эйгэтигэр судаарыстыбаннай учуоттааһын кэһииллиитэ тахсыбыт. Арыгы бородууксуйата былдьанна. Бу туһунан СӨ Борокуратуурата суруйар.