Дьокуускай куорат биир саамай сырыылаах уулуссатын өрөмүөннүөхтэрэ

Советскай Армия 50 сыла уулусса Дьокуускай куорат биир саамай сырыылаах уулуссатынан буолар. Тустаах уулуссаҕа хапытаалынай өрөмүөн ыытарга бырайыактыыр докумуона судаарыстыбаннай эспэртииһэни ааспыт. Бу күннэргэ бэдэрээтчити быһаарыыга куонкурус биллэриллиэҕэ.

Эрдэ этиллибитин курдук, Советскай Армия 50 сыла уулуссаҕа үлэтэ элбэҕин уонна инженернэй ситимин таһаарыыны, суолу 4 балаһаҕа диэри кэҥэтиини учуоттаан, өрөмүөн үлэтин 2027 сылга диэри ыытарга суоттаналлар.  Ити туһунан куорат бүгүҥҥү уопсай үлэтин  былааннаһыыга этэн аһарбыттарын Якутск.РФ телеграм ханаалга суруйаллар.