Дьокуускай куорат историятын түмэлигэр ураты быыстапка аһылынна

Бэҕэһээ, ахсынньы 23 күнүгэр, Дьокуускай куорат историятын түмэлигэр «Зима. Магия света» диэн ааттаах быыстапка аһыланна.

Бу быыстапканы Дьокуускай куорат историятын түмэлэ, П.П. Романов аатынан Дьокуускайдааҕы уус-уран училище, биллиилээх хаартыскаҕа түһэрээччи Наталья Оконешникова уонна видеограф Николай Петров кыттыһан тэрийдилэр.

Быыстапкаҕа тугу көрүөххэ сөбүй?

Бу бырайыакка мэлдьи буоларын курдук, бырааһынньыктааҕы эйгэни буолбакка, көрөөччүлэргэ дууһа туругун уонна ис сырдыгын дириҥник уус-ураннык тириэрдии көстөр. Педагогтар, устудьуоннар уонна худуоһунньуктар бииргэ үлэлээн, кыһыҥҥы айылҕаны саҥа тыыннаан көрдөрөллөр, ураты уус-уран айымньылар айыллыбыттар.

Дьокуускай куорат историятын түмэлин дириэктэрэ Александр Ноговицын бу быыстапка бырайыагар бииргэ үлэлээһин уонна айар көҕүлээһин ураты бэлиэтинэн буоларын тоһоҕолоото. Көрдөрүүгэ тураллар:

• -Наталья Оконешникова хаартыскалара, кыһыҥҥы иһийии уонна сырдык алыптаах поэзияларын көрдөрөр.
• -Николай Петров Саха сирин ураты тымныытыгар кыһыҥҥы кэрэ көстүүтүн аэровидеосъемката.
• -Дьокуускайдааҕы уус-уран училище уонна АГУИККИ устудьуоннарын айбыт 20-тэн тахса ураты айымньылара, ол иһигэр сырдатыылаах скульптуралар уонна интерактивнай проекциялар бааллар.
• -Түмэл коллекцияларыттан дьиҥнээх экспонаттар, аныгы айар эйгэҕэ бэйэлэрин оннуларын булбуттар.

Быыстапка бырайыага Дьокуускай олохтоохторугар төрөөбүт дойдуларын кэрэтин уонна култуурунай үгэстэри харыстыыр суолталааҕын санатарга анаммыттар. Ураты тыыннаах быыстапка 2026 сыл олунньу 28 күнүгэр диэри үлэлиэ. Бэнидиэнньиктэн уонна оптуорунньуктан ураты күн аайы 10:00 чаастан 18:00 чааска диэри үлэлиир. Оҕолор кыһыҥҥы сынньалаҥнарын кэмигэр (тохсунньу 3-11 күннэригэр) эрдэттэн суруттарыахха сөп. Билсэр төлөппүөннэрэ: +7(4112) 40-25-83.