Дьокуускай куорат көхтөөх аҕалара 50 ыалы мууһунан хааччыйдылар

Бу күннэргэ Дьокуускай  таһынааҕы  Тулагы сэлиэнньэтигэр  куорат Аҕа сүбэтин (бэрэссэдээтэл Попов Егор Гаврильевич, толорооччу дириэктэр Оконешников Яков Тимофеевич) салайыытынан,  Ийэ дойдуларын көмүскүү сылдьар биир дойдулаахтарбыт дьиэ кэргэттэригэр муус ыллылар. Бу туһунан Дьокуускай куорат Саха гимназията иһитиннэрдэ.

«Барыта 50 ыалга муус тиэллэн, дьаарыстанан биир күнүнэн күргүөмнээх үлэ түмүктэннэ. Манна  куорат мээрэ Евгений Николаевич Григорьев, Гордуума дьокутааттара, Саха гимназиятын, Оҕо дыбарыаһын, «Хотой» кулууп, Тулагы-Киллэм, 23-с оскуола аҕалара кытыннылар. Күүстээх үлэ күөстүү оргуйан астык субуотунньук таһаарыылаахтык, тэрээһиннээхтик биир тыынынан түмүктэннэ. Бу күн минньигэс аһылыгы тэрийбит, остуол тардан тото-хана аһаппыт, дьахталлар кэмитиэттэригэр барҕа махталбытын тиэрдэбит», — диэн Саха гимназия ТГ ханаалыгар сырдаттылар.