Хаартыска: Үөрэх уонна билим министиэристибэтин телеграмыттан.
Бу күннэргэ Хотугу Осетия-Алания Өрөспүүбүлүкэтин Владикавказ куоратыгар “Оскуола бастыҥ остолобуойа-2023” Бүтүн Арассыыйатааҕы куонкурус федеральнай түһүмэҕэ буолан ааста.
Саха Өрөспүүбүлүкэтин аатыттан эрэгийиэннээҕи түһүмэххэ бастаабыт икки оскуола кытынна: “Куорат оскуолатын бастыҥ остолобуойа” номинацияҕа – А.Г. уонна Н.К. Чиряевтар ааттарынан Дьокуускай куораттааҕы национальнай гимназия, “Тыа сирин оскуолатын бастыҥ остолобуойа” номинацияҕа – Үөһээ Бүлүү улууһун Тамалакаан орто оскуолата.
Куонкурус бары тургутууларын түмүгүнэн, А.Г. уонна Н.К.Чиряевтар ааттарынан Дьокуускай куораттааҕы национальнай гимназия “Оскуола бастыҥ остолобуойа-2023” Бүтүн Арассыыйатааҕы куонкурус лауреатынан буолла.
СӨ бастакы бэрэсидьиэнэ Михаил Ефимович Николаевка үрдүк ытыктабыл бэлиэтигэр, кини төрөөбүт күнүгэр – төрөөбүтэ 86 сылыгар гимназия улахан бэлэҕи оҥордо.
Бэлиэтээн эттэххэ, куонкурус федеральнай туура үс түһүмэхтээх ааста: финал аҥарынааҕы, финал уонна суперфинал. Куонкуруска “Кулинарнай баттл”, “Төрөппүт үс ыйытыыта” блиц-турнир, “Куттала суох аһылык блога” квест-практикум тургутуулар киирдилэр. Федеральнай конкурус бары кыттыылаахтарын эҕэрдэлиибит, бу улахан ситиһии диэн Үөрэх уонна билим министиэристибэтин ТГ-ханаалыгар суруйаллар.
«Дальний Восток – Земля приключений» куонкуруска “Тропами Победы” (“Кыайыы ыллыгынан”) диэн саҥа номинация баар буолла.…
Саха сиринээҕи ИДьМ наркотигы хонтуруоллуур отделын үлэһиттэрэ бобуулаах веществолары сокуона суох тарҕатыыга уорбаланар 30 саастаах…
Леонид Попов аатынан Сунтаар улуустааҕы библиотекатын айымньылаах үлэтин биир бэлиэ көстүүтүнэн үгэс курдук ыытыллар “Сунтаар…
Өрөспүүбүлүкэтээҕи Олоҥхо ыһыаҕын сүрүн түгэннэриттэн биирдэстэринэн «Батыйа - эр хоһуун санаа уонна үрдүк таһым бэлиэтэ»…
Нерюнгригэ Олоҥхо ыһыаҕар түөрт сыллааҕыта Үөһээ Бүлүүгэ саҕаламмыт «Олоҥхону ааҕабыт» бырайыак салҕанна. Үгэс курдук, бырайыагы…
Саха сиригэр 1 тииптээх саахарынай диабеттаах 2-17 саастаах оҕолор сыл бастакы аҥаарыгар глюкоза тиһигин быспат…