Дьокуускай куорат оҕолоро хас кыраадыска үөрэммэттэрий?

Ахсынньы номнуо үүннэ, ону кытта Саха сирин суон сураҕырбыт тымныылара сатыылаан эрэллэр. Дьокуускай куорат үөрэҕин управлениета оскуола оҕолоро хас кыраадыс тымныыга үөрэммэттэрин быһаарда.

“Дьокуускай куорат” куораттааҕы уокурук оскуолаларыгар тымныынан сибээстээн хас кыраадыстан үөрэх тохтотулларын (актированнай күн) туһунан быраабыланы таһаарда.

Үөрэх тохтотулларын туһунан быһаарыы күннэтэ Саха сиринээҕи күнү-дьылы кэтээн көрөр тэрилтэ (Гимеин уонна Аэропорт) метеоыстаансыйаларын көрдөрүүтүгэр олоҕуран ылыныллар. Маныаха сарсыарда 06:30 мүн. ордук тымныы кыраадыһынан сирдэтинэллэр.

“Дьокуускай куорат” куораттааҕы уокурук оскуолаларын үөрэнээччилэрэ бу курдук тымныыга үөрэммэттэр:

1-5 кылаастар:

Тыала суох: -45°С.

Сөкүүндэҕэ 1 м күүстээх тыаллаах: -44°С.

Сөкүүндэҕэ 2 м күүстээх тыаллаах: -43°С.

Сөкүүндэҕэ 3-5 м күүстээх тыаллаах: -42°С.

1-8 кылаастар:

Тыала суох: -48°С.

Сөкүүндэҕэ 1 м күүстээх тыаллаах: -47°С.

Сөкүүндэҕэ 2 м күүстээх тыаллаах: -46°С.

Сөкүүндэҕэ 3-5 м күүстээх тыаллаах: -45°С.

1-11 (12) кылаастар:

Тыала суох: -50°С.

Сөкүүндэҕэ 1 м күүстээх тыаллаах: -49°С.

Сөкүүндэҕэ 2 м күүстээх тыаллаах: -48°С.

Сөкүүндэҕэ 3-5 м күүстээх тыаллаах: -47°С.

Ханна истэбит, көрөбүт?

— “Саха” НКИХ (“Саҥа күн” биэриитигэр): бастакы симиэнэҕэ: 07:00-08:00, 08:00-09:00, иккис симиэнэҕэ: 09:00 (нууччалыы биэриитигэр), 12:17 (сахалыы биэриитигэр).

— «Якутия24» ханаал («Утро Якутии» биэриитигэр): 07:00 (нууччалыы таһаарыы).

— «Вести.Саха» ВГТРК (ГТРК Россия 1): 07:35, 08:07, 08:35 суругунан (сүүрэр строка).

— «Тэтим — Саха араадьыйата»: 07:05 — 11:30.

— Дьокуускай куорат уокуруктааҕы дьаһалтатын официальнай саайтыгар.

— Дьокуускай куорат үөрэҕин управлениетын социальнай ситимнэригэр (MAX, ВКонтакте, Telegram).

Бу туһунан Дьокуускай куорат үөрэҕин управлениетын телеграмыгар суруйаллар.