Дьокуускай куорат олохтооҕо ыар буруйу оҥорон сууттаныаҕа

Дьокуускай куораттааҕы силиэстийэлиир управление силиэстийэлиир салаата, Дьокуускай куорат олохтооҕор Холуобунай кодекс 111-с ыстатыйатын 4-с чааһынан (соруйан доруобуйатыгар ыар эчэтиини оҥорон, өлөрүүгэ тириэрдии) холуобунай дьыаланы силиэстийэлээһини түмүктээтэ.

Холуобунай дьыала матырыйаалыгар олоҕурдахха, быйыл ыам ыйыгар арыгы испит икки эр киһи мөккүһэн турбуттар, ол түмүгэр буруйданааччы эмсэҕэлээччини хаста даҕаны охсубут.

Ылбыт эчэйиититтэн эмсэҕэлээччи атырдьах ыйыгар балыыһаҕа сытан өлбүт.

Силиэстийэ дакаастааһыны хомуйууга силиэстийэлиир кэккэ үлэни ыыппыт.

Борокуоруор холуобунай дьыаланан буруйдуур түмүгү бигэргэтиитин кэннэ, дьыала суукка көрүллэ барыаҕа диэн Саха сиринээҕи силиэстийэлиир кэмитиэт телеграм ханаалыгар сырдаталлар.