Дьокуускай куорат олохтооҕуттан түөкүттэр мөлүйүөнтэн тахса харчыны уорбуттар

Ааспыт сууккаҕа өрөспүүбүлүкэ үрдүнэн барыта 8 буруйу оҥоруу бэлиэтэммит. Дьокуускай уонна Ленскэй куораттарга түөкүннээһин туһунан сайабылыанньалар киирбиттэр.

Ол курдук, Дьокуускай куорат олохтооҕуттан “инвестициялааһын” диэнинэн куоһурдаан, түөкүттэр мөлүйүөнтэн тахса харчыны олордон ылбыттар.

Итини тэҥэ, эмиэ Дьокуускайга 1981 сыллаахха төрөөбүт дьахтар аһаҕас бааһы ылан, балыыһаҕа киллэриллибит, уорбаланааччыны быһаарбыттар. Итиэннэ арыгы испит туруктаах сылдьан хаттаан массыына ыытан үс киһи тутуллубут.

Суукка устата 3 баһаары умуруорбуттар, дьолго, ким даҕаны эмсэҕэлээбэтэх.