Хаартыска: Физическэй култуура уонна маассабай успуорт пресс-сулууспатыттан.
Муус устар 7 күнүгэр Дьокуускай куорат болуоссаттарыгар олохтоохторго анаан чэбдигирдэр сэрээккэлэр уонна коуч-йогаҕа маастар-кылаастар ыытыллыахтара.
Тэрээһини «Айарландия» тэрилтэ анал үөрэхтээх волонтер тириэньэрдэрэ Успуорт уонна физическэй култуура министиэристибэтин кытары бииргэ ыытыахтара.
Сэрээккэ «Олох долгуна» коуч-йога чэбдигирдэр бырайыагын бырагырааматынан барыаҕа. Тэрийээччилэр этэллэринэн, коуч-йога – йога былыргы үөрэҕин уонна аныгы уйулҕа үөрэҕин, коучинг бириинсиптэрин, эти-хааны салайыныы бииргэ буолууларын аныгы ситиһиитэ. Бу бырагырааманан үгүстүк кырдьаҕас дьон дьарыктанар уонна идэлээхтэр быһааралларынан, дьарык кэмигэр этттэрэ-хааннара чэбдигирэр, туруктара, санаалара тупсар.
Сэрээккэлэр муус устар 7 күнүгэр сарсыарда 08:00 ч. Орджоникидзе уонна Комсомольскай болуоссаттарга ыытыллыахтара.
Ону таһынан, бу күн Биисинэс кииҥҥэ (Дьокуускай к., Киров уул., 18, В блогар, 3-с этээскэ, 312 офиска) нутрициолог, Өрөспүүбүлүкэтээҕи уопсастыба доруобуйатын уонна мэдиссиинэ профилактикатын киинин диетолог бырааһа, мэдиссиинэ билимин хандьыдаата Анастасия Саввина «Здоровое питание – залог здоровья» тиэмэҕэ лиэксийэ ааҕыаҕа. Лиэксийэ 15:30 ч. ыытыллара былааннанар.
Лев Павлов көҥүл тустууга юниордар истэригэр аан дойду чөмпүйэнээтигэр үрүҥ көмүс мэтээли ылары ситистэ. Кини…
Бүгүн, балаҕан ыйын 8 күнүгэр, Саха сирин соҕуруу, хотугулуу-илин, күнүс арҕаа улуустарыгар сорох сиринэн ардах,…
Бүгүн НТВ ханаал “Чудо” биэриитигэр Сунтаар улууһун Элгээйи орто оскуолатын үөрэнээччитэ, эдэр орнитолог, 11 саастаах…
Аҕыйах хонуктааҕыта Сунтаар улууһун Куокуну нэһилиэгэр Улахан Табаҕа киэҥ нэлэмэн, үрдүк үүнүүнү биэрэр бааһыната талах…
Оҕо барахсан хайа да кэмҥэ арахсыспат аргыһа – оонньуур буоллаҕа. Онон “Наука 0+” билим бэстибээлин…
Бу күннэргэ өрөспүүбүлүкэ улуустарыгар ититии сезона саҕаланан эрэр. Мэҥэ Хаҥалас улууһун пресс-сулууспата дьаһалта телеграм-ханаалыгар иһитиннэрбитинэн,…