Дьокуускай куорат саамай «айдааннаах» миэстэлэрэ билиннилэр

Бу күннэргэ Дьокуускай куорат административнай хамыыһыйата 10 саамай «айдааннаах» сынньанар-аралдьытар тэрилтэлэр испииһэгин таһаарда.

Кытай куухуньатын «Пекинскай утка»  эрэстэрээнигэр 2024 сыл саҕаланыаҕыттан биэс боротокуол оҥоһуллубут, уопсайа 300 000 солк. суумааах ыстараап түһэриллибит. «Mojito» лаундж-бар сокуону кэһиитин ахсаанынан «Пекинскай утка»  эрэстэрээни кытта тэҥнэспит, ол эрээри, быдан элбэх ыстарааптаммыт — 2 050 000 солк.

Икки сокуону кэһиинэн «Сунгари» эрэстэрээҥҥэ 550 000 солк. ыстараап төлүүргэ анаммыт. «Greenlion» арыгыны атыылыыр бар-маҕаһыын судаарыстыба хааһынатыгар 20 000 солк. ыытыаҕа. Түүҥҥү кулууп «Remix», култуура киинэ  «Zodiac», «Icon Bar»  уонна «Мята Lounge» кальян-бар быйыл биир сэрэтиини ылбатылар.

«Number one» Кытай кулууба сокуону кэһиинэн лидеринэн таҕыста — 12 төгүл ыстарааптаммыт. Ыстараабын кээмэйэ 1,5 мөлүйүөн солкуобай буолла. Бу туһунан Дьокуускай куорат административнай хамыыһыйатын пресс-сулууспата суруйар.