Киин куоракка Суол сулууспатын үлэтин күүһүрдэллэр

Бөлүүн күүстээх хаар түһэн Дьокуускайга суол сулууспалара күүстээх эрэсииминэн үлэлии таҕыстылар.

Хаары ыраастааһын уонна таһыы үлэтэ, ону тэҥэ суолга куттал суох буолуутун хааччыйар дьаһаллар ыытыллаллар. Ордук улахан болҕомто элбэх тырааныспар сылдьар сиринэн ууруллар.
Үлэни «Куораттааҕы суол-тырааныспар сулууспата» МКТ сүрүннүүр.

Кинилэр үлэ түргэнник барыытын кэтииллэр. Суоппардар суолга болҕомтолоох буолалларыгар, түргэн тэтимнээх сырыы быраабылатын тутуһалларыгар ыҥыраллар.