Дьокуускай куорат сынньалаҥ пааркатыгар «ЗдравОсмотр» доруобуйаны босхо көрөр

От ыйын 28 күнүгэр, «ЗдравОсмотр» аахсыйанан Өрөспүүбүлүкэтээҕи Уопсастыбаннай доруобуйа уонна ыарыыны сэрэтэр мэдиссиинэ киинин исписэлиистэрэ нэһилиэнньэҕэ сэрэтэр үлэни ыыттылар.

Бу туһунан СӨ Доруобуйа харыстабылын министиэристибэтэ иһитиннэрэр.

Уопсайа 35 киһи доруобуйатын уопсай туругун, 15 киһи кардиолокка көрдөрдүлэр, 10 киһи психологтан сүбэ ыллылар,

Аахсыйаҕа туох чинчийиилэри ыыттыларый?

• «ЗдравОсмотр» аахсыйа кэмигэр мэдиссиинэ маннык өҥөлөрө оҥоһулуннулар:
• Хаан баттааһынын уонна хаан саахарын таһымын кээмэйдээһин.
• Холестерин таһымын быһаарыы.
• ЭКГ (электрокардиограмма).
• Терапевт, кардиолог, невролог уонна атын исписэлиистэр сүбэлэрэ.
• Киһи этин-сиинин ыйааһынын индексин быһаарыы уонна аһылык туһунан сүбэлэр.
• Психологическай сүбэлэр уонна өйөбүл.

«ЗдравОсмотр» диэн тугуй?

«ЗдравОсмотр» – ыарыылары эрдэттэн быһаарарга уонна чөл олоҕу  маассаҕа тарҕатыыга туһуламмыт сэрэтэр аахсыйа.

Аахсыйа чэрчитинэн куорат олохтоохторо уонна ыалдьыттара босхо диагностиканы барыахтарын, быраастар сүбэлэрин ылыахтарын уонна доруобуйаҕа дьайар куттал биричиинэтин туһунан билиэхтэрин сөп.

Аахсыйа ханна ыытылларый?

Тэрээһин Дьокуускай куорат Култуура уонна сынньалаҥ пааркатыгар ойуур бибилэтиэкэтигэр ыытыллар.

«ЗдравОсмотр» босхо көрдөрөҕүт, эрдэ суруттарыы ирдэммэт.