Дьокуускай куорат сынньанарга мөкү миэстэлэрин испииһэгэ таҕыста

Дьокуускай куорат дьаһалтатын Административнай хамыыһыйата 2024 сыл ааспыт ыйдарын түмүгүнэн «бэрээдэгэ суох» 10  түүҥҥү аһыыр сиргэ административнай боротокуол оҥорбут. Бу туһунан Дьокуускай куорат дьаһалтатын пресс-сулууспата иһитиннэрэр.

Саамай элбэх буруй оҥһуллуута бэлиэтэммит сиринэн:

1. «Пекинскай утка» Кытай кухнятын кулууп-эрэстэрээнэ – уопсайа 5, олортон: 3.5 ыст. – 2, 6.21 ыст. – 1, 6.25 ыст. – 2 боротокуол оҥоһуллан, 300 000 солкуобай суумалаах ыстараап уурулунна.
2. «Number one» Кытай кулууба-эрэстэрээнэ – уопсайа 12, олортон: 3.5 ыст – 9, 6.21 ыст – 1, 6.25 ыст. – 2 боротокуол толоруллан 1.500.000 солкуобай суумалаах 7 ыстараап уруулунна. 2 – сэрэтии оҥоһулунна.
3. «Мохито» лаунж-бар – 5 , ол иһигэр: 6.21 ыт. – 1, 6.23 ыст. – 1, 6.25 ыст. – 2 боротокуол толоруллан, 2050000 солк. суумалаах ыстараап уурулунна.
4. «Сунгари» Кытай эрэстэрээнэ – уопсайа 2, онтон 6.21 ыст. – 1, 6.25 ыст. – 1 боротокуол толоруллан, 550 000 солкуобай суумалаах ыстараап уурулунна.
5. «Icon Bar» култуурунай-сынньалаҥ киинэ – 0.
6. «Greenlion» утаҕы атыылыыр бар-маҕаһыын – 0.
7. «Zodiac» Култуура киинэ – 0.
8. «Remix» түүҥҥү кулууп – 0.
9. «Трапеза» кафе – 0.
10. «Мята Lounge» кальян-бар – 0.

«Remix» түүҥҥү кулууп,  «Zodiac» Култуура киинэ, «Icon Bar» бар былырыын бу испииһэккэ инники сылдьаллар этэ. «Greenlion» утаҕы атыылыыр бар-маҕаһыын, «Трапеза» кафе быйылгы испииһэккэ 2023 сылга регистрацияламмыт буруй ахсааныгар олоҕуран киирбиттэр. Быйыл бу кафеҕа ханнык да быраабы кэһии туһунан иһитиннэрии суох эбит.