Дьокуускай куорат төрүттэммитэ үбүлүөйдээх 400 сыла бэлиэтэниэ

 Дойду Бэрэсидьиэнэ РФ Бырабыыталыстыбатын этиитинэн 2032 сылга Дьокуускай куорат төрүттэммитэ үбүлүөйдээх 400 сылын бэлиэтиир туһунан Ыйаахха илии баттаата.

Докумуон нуормалыыр-быраап аахталарын порталыгар таҕыста. Ол курдук, дойду субъектарын  судаарыстыбаннай быһаалын уорганнарыгар бары тэрээһиннэргэ кыттарга мэктиэлэннэ.

Киин куорат Арассыыйаҕа биир саамай тэтимнээхтик сайдан иһэр, нэһилиэнньэтин ахсаанынан күннэтэ элбии турар куоратынан буолар.

«Российскай Федерация Бэрэсидьиэнэ Владимир Владимирович Путин 2032 сылга Дьокуускай куорат төрүттэммитэ 400 сылын бэлиэтиир туһунан үрдүк суолталаах докумуоҥҥа илии баттаата. Дьокуускай — өрөспүүбүлүкэ тэбэр сүрэҕэ. Үбүлүөйдээх сылын көрсө ирбэт тоҥ сиригэр бастыҥ куоратынан буолуохтаах! Бэрэсидьиэн Саха сирин уонна киин куораты мэлдьи өйүүрүн иһин ис сүрэхпиттэн махтанабын!», — диэтэ Айсен Николаев.