Дьокуускай куорат уокуругун үс оскуолатыгар саҥа дириэктэрдэр ананнылар

Дьокуускай куорат уокуругун үс оскуолатыгар саҥа дириэктэрдэр ананнылар.

Дьокуускай куорат 17-с №-дээх орто уопсай үөрэхтээһин оскуолатыгар дириэктэринэн Анатолий Николаевич ЧИРЯЕВ ананна.

Үрдүк үөрэхтээх:  2012 с. М.К. Аммосов аатынан Хотугулуу-Илиҥҥи федеральнай университет, Омук филологиятын уонна регионоведения институтугар «Английскай тыл» исписээлинэһин уонна 2021 с. бу үнүбэрсиэт Педагогическай институтун «Үөрэхтээһиҥҥэ бырайыактыыр менеджмент» магистратуратын бүтэрбит.

Бу иннинэ А.Г. уонна Н.К. Чиряевтэр ааттарынан Дьокууускай куорат национальнай гимназиятын дириэктэрин үөрэхтээһиҥҥэ уонна социализацияҕа солбуйааччытынан үлэлээбит.

Наҕараадалара:

Саха Өрөспүүбүлүкэтин Судаарыстыбаннай Мунньаҕын (Ил Түмэн) бочуотунай грамотата.

— Үөрэх Профсоюһун Өрөспүүбүлүкэтээҕи кэмитиэтин махтала.

— М.Е. Николаев аатынан бириэмийэ лауреатын диплома.

Дьокуускай куорат 38 №-дээх орто уопсай үөрэхтээһин оскуолатын дириэктэринэн Тюркана Ивановна СЕРГЕЕВА ананна.

Үрдүк үөрэхтээх: М.К. Аммосов аатынан Саха судаарыстыбаннай университетын1995 с. бүтэрэн «Нуучча тыла уонна литературата» уонна 2026 с. – «Үөрэхтээһиҥҥэ бырайыактыыр менеджмент» идэлээх.

Бу иннинэ «Айыы Кыhата» национальнай гимназияҕа дириэктэри үөрэтэр-иитэр үлэҕэ солбуйааччынан үлэлээбит.

Наҕараадалара:

— Саха Өрөспүүбүлүкэтин үөрэҕириитин туйгуна.

— Саха сирин Методиһа.

— Арассыыйа Федерациятын үөрэҕириитин эйгэтин бочуоттаах үлэһитэ.

П.И. Кочнев аатынан Тулагытааҕы орто уопсай үөрэхтээһин оскуолатын дириэктэринэн Николай Викторович  ДЬЯКОНОВ ананна.

Үрдүк үөрэхтээх: 2004 с. М.К. Аммосов аатынан Саха судаарыстыбаннай университетын «Историк, истории преподавателэ, политолог», онтон 2012 с.  Саха Өрөспүүбүлүкэтин Бэрэсидьиэнин иһинэн салайыы институтун «Судаарыстыбаннай уонна муниципальнай салайыы» бырагырааматын ааспыт, 2020 с. РФ Бэрэсидьиэнин иһинэн норуот хаһаайыстыбатын уонна судаарыстыбаннай сулууспатын Арассыыйатааҕы академиятын «Экэниэмикэ» хайысхатын бүтэрбит.

Бу иннинэ Г.П. Башарин аатынан Сылаҥ орто уопсай үөрэхтээһин агропрофилированной оскуолатын дириэктэринэн үлэлээбит.

Наҕараадалара:

— Саха Өрөспүүбүлүкэтин ыччат бэлиитикэтин туйгуна.

— Саха Өрөспүүбүлүкэтин Бэрэсидьиэнин Махтала.

— Академик А.В. Чугунов билинии өйдөбүнньүк бэлиэтэ.

— Саха Өрөспүүбүлүкэтин Ил Түмэнин Махтал суруктара.