Бүгүн өрөспүүбүлүкэ киин куоратыгар баар Оҕо дыбарыаһыгар Дьокуускай куоракка үөрэхтээһин сайдыытын историятын мусуойа төрүттэммитэ 30 сылыгар анаммыт «Живая связь времен и поколений» быыстапка аһылынна.
Бу быыстапка бэлиэ даатаҕа анаммыт «История города – в истории школы» научнай-практическай кэмпириэнсийэ чэрчитинэн тэрилиннэ. Быыстапкаҕа Оҕо дыбарыаһын мусуойун матырыйаалларын таһынан, куорат оскуолаларын мусуойдарын экспонаттара эмиэ турдулар.
«Бүгүн биһиги Дьокуускай куорат үөрэҕин историятын мусуойун 30 сылыгар анаммыт «История города – в истории школы» диэн научнай- практическай кэмпириэнсийэ чэрчитинэн быыстапканы аһабыт. Быыстапкаҕа үөрэх тэрилтэлэрин мусуойун уонна куоарт оскуолаларын мусуойдарын матырыйааллара турдулар. Ааспыт 30 сылга үөрэхтээһин хайдах сайдыбытын көрдөрөр матырыйааллар, истиэндэлэр дьон болҕомтотун тардыахтара», — диэн Дьокуускай куорат дьаһалтатын Үөрэҕин салалтатын начаалынньыга Мария Петрова быыстапка аһыллытыгар эттэ.
Үөрэхтээһин мусуойун сэбиэдиссэйэ Анисия Иванова истиэндэлэри уонна быыстапкаҕа турбут матырыйааллары көрдөрө-көрдөрө кэпсээтэ:
«Аан бастаан Дьокуускай куорат үөрэҕириитин мусуойун тэрийии туһунан идиэйэни 90-с сылларга, оччолорго киин куорат үөрэҕин салалтатыгар үлэлии олорон М.К. Аммосов аатынан ХИФУ бэрэсидьиэнэ, педагогическай наука дуоктарыгар Евгения Михайлова киллэрбитэ. Ол кэмтэн мусуойу тэрийсибит Александр Рыбкин матырыйааллары хомуйан барбыта. Мусуой бастакы дириэктэринэн Екатериан Дружинина буолбута. 2002 сылтан мусуой оҕо айымньытын дыбарыаһыгар көспүтэ. 1998 сылтан мусуой методиһынан Варвара Иванова үлэлээбитэ, кини архыыпка күүскэ үлэлээн, докумуоннары хасыһан, бу үксэ кини тус архыыбыттан ылыллыбыт матырыйаалларынан буолаллар. Бүгүн бу үс саҥа истиэндэ: «Хранители истории образования города Якутск», «Заслуженные учителя РСФСР» уонна «Руководители столичного образования – проверенные временем» аһылынна. Бүгүн 9 оскуола бэйэлэрин устуоруйаларын кэпсиир матырйаалларын туруордулар. Итини таһынан «Брусничка оҕо уһуйаана уонна улаатан эрэ оҕолор кииннэрэ эмиэ историяларын туһунан матырааллары көрдөрдүлэр».
Мусуойга урукку кэмнэр үөрэнээччилэрин оскуолатааҕы таҥастара, атрибуттара, барабаан, знамя, горн, сыана туруорар сурунааллар, үөрэнэр кинигэлэр, о.д.а. бааллар.
Бэҕэһээҥҥиттэн, ыам ыйын 16 күнүттэн, «Полярные авиалинии» Ми-8 бөртөлүөтэ Өлүөнэ өрүһү туоратар үлэтин саҕалаата диэн…
Бүгүн, ыам ыйын 17 күнүгэр, Дьокуускай-Аллараа Бэстээх хайысханан сылдьар "хивустар" сырыылара сөргүтүллүбүтүн туһунан СӨ Тырааныспарга…
Сорохтор сааскы көмүөл Өлүөхүмэ улууһун ааспыта, туох да куттал суох диэтэллэр да, күн бүгүн Кыыллаах…
“Улуустарга эрийэн, үүттэрин харчыта тиийбитин туоһуластыбыт. “Түспүтэ”, – дэһэллэр. Уонна үүт соҕотуопкатыгар сыһыаннаах санааларын, аахсыбыт…
Дьокуускайга "Үс хатыҥ" этнокомплекска аны балтараа ыйынан Туймаада ыһыаҕа буолуоҕа. Маны көрсө Дьокуускай куорат дьаһалтатын…
Былырыын саас ыам ыйыгар Дьокуускай куорат Пионерскай уулуссатыгар баар дьиэҕэ баһаар буолбутун түмүгэр түөрт киһи…