Дьокуускай куораттааҕы территориальнай быыбардыыр хамыыһыйата Кыайыы иһин бэйэтин көмөтүн киллэрэр

«ДоброVольцы» волонтердар хамсааһыннарын көрдөһүүтүнэн, Дьокуускай куорат территориальнай быыбардыыр хамыыһыйатын үлэһиттэрэ (бэрэссэдээтэл С.Б. Алексеева)  матырыйаал атыылаһан, маскировкалыыр ситими тигэргэ аналлаах станоктары оҥордулар.

Тохсунньу 21 күнүгэр станоктары иистэнньэҥ волонтердарга туттардылар диэн СӨ Киин быыбардыыр хамыыһыйата иһитиннэрэр.

«ДоброVольцы» хамсааһын салайааччыта Светлана Архипченко Дьокуускай куораттааҕы территориальнай быыбардыыр хамыыһыйата тиһиктээх көмөтүн иһин махтанна уонна аттыттары туора туран хаалбакка көмөлөһөллөрүгэр ыҥырда.

«ДоброVольцы» волонтердар хамсааһыннарыгар кыттыһыан баҕалаах дьону манны аадырыска күүтэллэр: Дьокуускай к. – Короленко уул., 6 уонна Поярков уул. 4 (А.Е. Кулаковскай аатынан Доҕордоһуу дьиэтэ), Яков Потапов, 11В («Сайсары» социальнай сынньанар киин), Жатай бөһ. – «Маяк» КК. Төлөпүөннэрэ: 8-914-274-88-00 (элбэх ханааллаах).