Үөрэх управлениетын үлэһиттэрэ “Оҕону оскуолаҕа бэлэмнээ” аахсыйаҕа кыттыстылар

Дьокуускай куорат уокуруктааҕы дьаһалтатын үөрэҕин управлениетын үлэһиттэрэ “Биир ньыгыл Арассыыйа” баартыйа “Оҕону оскуолаҕа бэлэмнээ” үтүө үгэскэ кубулуйбут аахсыйаҕа кытыннылар.

Аахсыйа соруга – хас биирдии оҕо саҥа үөрэх дьылын үөрэххэ ирдэнэр тээбириннээх уонна үөрэн-көтөн көрсөрүн туһугар, олох араас ыарахаттарыгар түбэспит оҕолорго аадырыстаах көмөнү оҥоруу.

Дьокуускай куорат үөрэҕин управлениетын начаалынньыга Мария Петрова муниципальнай үөрэх тэрилтэлэрин салайааччыларын уонна биир идэлээхтэрин балаҕан ыйын 1 күнүгэр аан маҥнай оскуола боруогун атыллыыр дьиэ кэргэн оҕолоругар үөрүүнү бэлэхтээн, тустаах аахсыйаҕа көхтөөхтүк кытталларыгар ыҥырар.

Бары кыттыһан бу күнү хас биирдии оҕоҕо ураты күн оҥоруоҕуҥ диэн этэллэр. Бу туһунан Дьокуускай куораттааҕы үөрэх управлениетын ТГ-ханаалыгар суруйаллар.