Дьокуускай кырдьаҕастарын умнубат

Дьокуускай кырдьаҕастарын умнууга хаалларбат.

Аҕам саастаахтар дэкээдэлэринэн, дьиэлэригэр соҕотох олорор кырдьаҕастарга хортуоппуй уонна хаппыыста тиэрдэллэр. Уопсайа 9 туонна 240 кг. түҥэтиллэр диэн Дьокуускай куорат дьаһалтатын пресс-сулууспата суруйар.

Маннык аахсыйаны «Ветеран» кулууп сыллата тэрийэн ыытар. Маныаха уопсастыбаннай суолталаах бырайыактары өйүүргэ туһуламмыт Дьокуускай куорат баһылыгын грана улахан көмө, тирэх буолара бэлиэтэнэр. «Ветеран» кулууп хортуоппуйу, хаппыыстаны ИП — В.В.Скупченко КФХ ылбыт. Оҕуруот аһын тиэрдиинэн Дьокуускай куорат управатын үлэһиттэрэ дьарыктаналлар.

Бэтэрээннэр, соҕотох олорор дьон кыһамньы уурулларыттан үөрэллэр, махталларын тиэрдэллэр.