Дьокуускай маастар-былаана 2024 сылтан олоххо киирэн барыаҕа

Маастар-былаан — стратегическай киэҥ эйгэни хабар экэниэмикэни, социальнай-экэнэмиичэскэй сайдыыны кытта ситимнээх  докумуон. Генеральнай былаан — куорат тутуутун уонна территориятын сайдыытыгар туһуланар. Онон маастар-былаан мантан уратылаһар.

РФ бэрэсидьиэнэ Владимир Путин дьаһалынан Уһук Илин 25 куоратын маастар-былаана оҥоһуллубут. Олор истэригэр Дьокуускай уонна Нерюнгри киирбиттэрэ. Бэрэсидьиэн  балаҕан ыйын 11 күнүгэр VIII Илиҥҥи экэнэмиичэскэй пуорумҥа мунньах түмүгүнэн куораттары сайыннарыы боппуруостарыгар  сорудахтары бигэргэппитэ. Олор истэригэр Саха сирин куораттарын маастар-былааннарын эмиэ иһитиннэрбитэ.

Саха сирэ стратегическай былааннааһыны тутуһар. Ол курдук, 2020 сылтан архитектура уонна куораты тутуу Управлениетын уонна «LETO» диэн  куорат эйгэтин компетенциятын киинин нөҥүө уопсайа 11 маастар-былаан оҥоһуллубута: Өлөөн, Тиксии, Чокурдаах, Дьокуускай, Мииринэй, Нерюнгри, Алдан, Томмот, Өлүөхүмэ, Ленскэй, Кангаласс. Маастар-былааннар куораттарга эрэ анаан буолбакка, нэһилиэктэргэ эмиэ оҥоһуллаллар.

Балаҕан ыйын 5 күнүгэр СӨ Ил Дархана Айсен Николаев РФ бэрэсидьиэнэ Владимир Путиҥҥа 2030 сылга диэри Саха сирин агломерациятын маастар-былаанын билиһиннэрбитэ. Онон кэлэр сылтан маастар-былааннары хайысхаларынан олоххо киллэрэр туһуттан үбүлээһин боппуруостарын быһаарар туһунан РФ бэрэсидьиэнэ сорудахтаабыта. Ол түмүгүнэн 90 эбийиэк тутуллуутун туһунан сөбүлэҥ оҥоһуллубута. Өлүөнэ эбэни туоруур муостаттан саҕалаан куорат хаһаайыстыбатын, үрдүк үөрэх кыһатын кампуһа, оскуолалар, доруобуйа харыстабылын эбийиэктэрэ, уһуйааннар.