Хаартыска: Андрей Соколов, СИА
Чуолаан саҥа социальнай эбийиэктэри тутуу туһунан кэпсэттилэр. 2025 сылга үс оскуола тутуллара былааннанар: физико-тэхиниичэскэй лиссиэй, Чайковскай уулуссаҕа орто оскуола, 17 №-дээх орто оскуолаҕа эбии дьиэ тутуллара былааннанар. Бырайыактыыр-сметнэй докумуоннара 2025 сылга оҥоһуллуоҕа. Ону таһынан быйылгы сылга икки оҕо уһуйаана тутуута былааннанар: «Северный» кыбаарталга уонна Новокарьернай уулуссаҕа.
Маны сэргэ култуура түөрт эбийиэгэ тутуллара былааннанар, олор ортолоругар Хатас сэлиэнньэтигэр 350 миэстэлээх оскуола, 1 №-дээх оҕо ускуустубатын оскуолата, ону таһынан Кангалассы түөлбэҕэ уонна куорат таһынааҕы сэлиэнньэҕэ култуурунай-сынньанар тэрилтэлэр.
Көрсүһүүгэ тырааныспар инфраструктуратын сайыннарыы туһунан кэпсэттилэр. Покровскай тракка Чернышевскай уулуссаттан ГИБДД диэри уонна Чернышевскай уулуссаҕа Краснояров уулуссаттан Покровскайдыыр тракка диэри саҥардыы былааннанар.
Гражданнары хаарбах уонна саахалланар дьиэлэртэн көһөрүү бырагырааматын олоххо киллэрии туспа болҕомто уурулунна. РФ Бэрэсидьиэнэ Владимир Путин сорудаҕынан хаарбах дьиэлэри көһөрүү былаана — кыраапыга оҥоһулунна. 2026 сылга саҕалыыр бырагыраама үһүс түһүмэҕин чэрчитинэн уопсайа 423 тыһ. кв. м иэннээх 957 дьиэ көһөрүллэрэ былааннанар, онно 32 тыһ. тахса киһи олорор.
Санатан эттэххэ, 2021 сылга Илиҥҥи экэнэмиичэскэй пуорумҥа Владимир Путин Уһук Илин эрэгийиэннэригэр олох хаачыстыбатын үрдэтиигэ туһуламмыт улахан кэлим бырагырааманы киллэрии туһунан быһаарыы ылыммыта. 25 куораттар бэйэлэрин сайдыыларын стратегиятын 2030 сылга диэри анаабыт маастар-былааннарын оҥорбуттара. Олор истэригэр Дьокуускай куорат киирбитэ.
Дьокуускай Уһук Илиҥҥэ биир саамай түргэнник сайдыбыт куоратынан буолар. Ааспыт сыл көрдөрүүтүнэн, 2000 сылтан куорат олохтоохторун ахсаана 1,7 төгүл улааппыта уонна 400 тыһыынча киһиэхэ тиийэрэ чугаһаабыт (396,7 тыһ.). Куорат оҕо төрөөһүнүн уонна миграция суотугар биир тэҥник улаатар.
Саха омук биир сүрүн уратытынан сылгы иитиитэ буолар. Кырдьыга, Дьөһөгөй оҕото сахаҕа аргыс буолан, тыйыс…
Ил Дархан Айсен Николаев бүгүн "Саха сирэ - дьоруойдар дойдулара" каадыр бырагырааматын кыттыылаахтарын кытары көрүстэ.…
Сэтинньи 1 күнүттэн нолуок сулууспата иэстээх дьонтон иэстэрин суукка биэрбэккэ эрэ, быһалыы ылар буолуоҕа. Урут…
Усуйаана улууһугар борокуратуура орооһуутун кэнниттэн, анал байыаннай дьайыы кыттыылааҕын ийэтигэр материальнай көмө оҥоһуллубут. Усуйаана…
Саха сиригэр 2025 сылга 10 уонна онтон элбэх оҕолоох икки ыал дьиэни атыылаһыыга эбэтэр туттууга…
Ленскэйгэ оройуоннааҕы балыыһа санитарката сууттанна. Балаҕан ыйын 16 күнүгэр Ленскэйдээҕи оройуон суутунан, 49 саастаах дьахтар…