Хаартыска: Федерация Сэбиэтэ
Дьокуускайтан уран тарбахтаах Анна Шатько «Россия многоликая: героический эпос» Бүтүн Арассыыйатааҕы VII күрэххэ «Ньургун Боотур» оҥоһугунан бастыҥынан ааттанна.
Быыстапка Федерация Сэбиэтигэр аһылынна. Тэрээһин Аҕа дойдуну көмүскээччи сылыгар ананар. Федерация Сэбиэтин Бэрэссэдээтэлин солбуйааччы, РФ Айар краетивнай индустрияларын уонна норуот уус-уран оҥоһуктарын сайыннарыыга кэмитиэтин бэрэссэдээтэлэ Инна Святенко быыстапка үөрүүлээх аһыллыытыгар кытынна.
ФС вице-спикерэ бэлиэтээбитинэн, баатанан оҥоһук күрэҕин ыытар санаа кэмитиэт мунньаҕар 2025 сыл олунньутугар үөскээбит.
«Күрэх Федерация Сэбиэтин уонна Бэрэсидьиэн култуураҕа көҕүлээһиннэрин пуондатын өйөбүлүнэн ыытылынна. 2026 сыл Арассыыйа норуоттарын сомоҕолоһууларын сылынан биллэриллибитинэн, күрэх ураты суолталаах. Эрэлбинэн, кэлэр сылга кыттааччы-эрэгийиэннэр өссө элбиэхтэрэ», — диэтэ Инна Святенко.
Күрэххэ Анна Шатько үлэтэ бастыҥынан ааттанна. Кини икки саха боотурун охсуһуутун көрдөрөр «Ньургун Боотур» оҥоһуга Гран-при наҕараадатын ылла. Анна Шатько кэпсииринэн, оҥоһуктары айар-тутар киниэхэ дуоһуйа сынньанар ньымата. Биир оҥоһукка үс күнтэн саҕалаан хас да ыйга диэри бириэмэ барар.
«Сүрүн үлэ скульптор үлэтигэр майгынныыр: сөптөөх быһыы тахсарын курдук, хас да чараас баатаны эбэн, кичэйэн оҥороҕун. Сороҕор чааһы-чааһынан лупа анныгар олорон, кыра деталларын оҥорорго күһэллэҕин», — диэн маастар үллэстэр. Маны таһынан, «Боотурдарбыт күүстэрэ» диэн анал аакка Нерюнгри олохтооҕо Лариса Мель «Саха боотура» диэн үлэтинэн бастакы миэстэни ылла. Уопсайа күрэххэ Арассыыйа 50-тан тахса эрэгийиэниттэн уран тарбахтаахтар кыттыбыттар, 380-ча үлэ көрүүгэ турбут.
Саха омук мусукаалынай култууратыгар уһулуччулаах кылааты киллэрбит композиторбыт, Кэбээйи улууһуттан төрүттээх Захар Степанов төрөөбүтэ 95…
Саха сирин олохтоохторо уонна улуус дьаһалталара байыаннай дьайыыга сылдьар биир дойдулаахтарыгар өрүү көмөлөһөллөр. Бу өйөбүл…
«Тута» позывнойдаах Арассыыйа Дьоруойун Андрей Григорьевы СӨ мас-рестлиҥҥэ федерациятын бочуоттаах чилиэнинэн уонна вице-бэрэсидьиэнинэн таллылар. Дастабырыанньаны…
Бу сыл сааскы-сайынҥы кэмигэр «Нерюнгри аэропорда» филиалга саҥа маршрут арыллар диэн СӨ Тырааныспарга уонна суол…
Кэлиҥҥи кэмҥэ агро-оскуолалар эбии үөрэхтээһин хайысхатын таба туһанан, бэйэ бородууксуйатын оҥорон таһаарыыга, оҕону урбаан салаатыгар…
Икки сыл анараа өттүгэр, 2024 сыл олунньу 15 күнүгэр, Арассыыйа Федерациятын Бэрэсидьиэнин Ыйааҕынан байыаннай иэһин…