Дьокуускай мээрэ куорат бары дьиэлэригэр ититии хаһан киирэрин чопчулаата

Дьокуускайга элбэх кыбартыыралаах дьиэлэргэ уонна социальнай эбийиэктэргэ ититиини биэрии тиһэх түһүмэҕэр сылдьар. Бүгүн сарсыардааҥҥы туругунан ититии 2208 элбэх кыбартыыралаах дьиэҕэ (2653 дьиэттэн) уонна 312 социальнай эбийиэккэ (376 эбийиэктэн) киирбит.

Дьокуускай куорат баһылыга Евгений Григорьев иһитиннэрбитинэн, бу күннэргэ — бүгүн эбэтэр сарсын бары эбийиэккэ ититии киирэрэ былааннанар.

Ититии киирбэтэҕинэ, олохтоохтор диспетчерскэй сулууспаҕа эрийэн билсэргит ордук.

Итиэннэ элбэх ханааллаах ЕДДС сулууспатыгар сайаапка хаалларыахха сөп: 44-45-64.