Хаартыска: СИА
Дьокуускай куорат Дууматын дьокутааттарын бөлөҕө сэтинньи 7 күнүгэр Дьокуускай куорат баһылыгын талыллар бэрээдэгин уларытар сокуон барылын дьүүллэһиигэ киллэрдилэр. Докумуонунан куорат баһылыгын быыбарын куонкурус быһыытынан ыытар көрүллэр. Ол туһунан Дуума саайтыгар суруйаллар.
Ити курдук, сокуон барылынан дьокутааттар куонкуруһу ааспыт хандьыдааттар ахсааныттан саҥа баһылыгы куорат Дууматын мунньаҕар дьүүллэһэн талыахтара. Бу киин куорат салайааччытын профессиональнай таһымын ирдэбилин үрдэтиэҕэ диэн Дуума бэрэссэдээтэлин солбуйааччы Феликс Романов быһаарда.
«Эспиэрдэр уопсастыбаларын санааларын, олохтоох салайыныы боппуруостарыгар исписэлиистэр этиилэрин үөрэтии түмүгүнэн, Төрүт сокуоҥҥа соторутааҕыта киирбит уларыйыылары учуоттаан, Дьокуускай куоракка куонкурустаах быыбары киллэриигэ быһаарыыны ылыннылар. Биһиги көҕүлээһиммит Дьокуускай куорат хаһаайыстыбатын күннээҕи үлэтин-хамнаһын толору хааччыйыыга, маастар-былаанын олоххо киллэриигэ уонна ситэриилээх былаас көдьүүстээх үлэтин хааччыйыга туһуланар», — диэн Феликс Романов бэлиэтээтэ.
Санатан эттэххэ, алтынньыга Дьокуускай куорат дьокутааттар олохтоох салайыныы туһунан саҥа федеральнай сокуон барылыгар муниципальнай кииннэр баһылыктарын бэрэстэбиитэллээх уорганнарынан талыы нуорматын киллэриигэ этии көтөхпүттэрэ. Саха сирин бэрэстэбиитэллэрэ бу боппуруоһунан ВАРМС сиэссийэтигэр тыл эппиттэрэ.
Феликс Романова этэринэн, олохтоох салайыныы бэрэстэбиитэллээх уорганынан баһылыгы талан ылыы норуот былааһын бириинсиптэригэр эппиэттиир, ылан да көрдөххө дьокутааттар быһаччы норуот иннигэр отчуоттууллар. Билигин маннык баһылыгы талыы көрүҥэ дойду 80-тан тахса киин куораттарыгар үлэлиирин бэлиэтээтэ.
«Бу хандьыдааттар ортолоругар дьиҥнээх күрэһи үөскэтэр уонна дьиҥнээх профессиональнай салайааччынын таларга кыаҕы биэрэр. Саамай сүрүнэ диэн маннык ньыма ситэриилээх былаас үлэтин ордук көдьүүстээх оҥорор», — диэн Феликс Романов быһаарда.
Докумуоҥҥа 24 дьокутаат илии баттаабыт. Сокуон барыла олохтоох салайыныы уонна муниципальнай быыбар туһунан Саха сирин сокуоннарыгар уларытыылары киллэриини торумнуур. Көҕүлээһини дьүүллэһии куорат Дууматыгар чугастааҕы кэминэн ыытыллыаҕа. Сокуон ылыллар түгэнигэр Ил Түмэн көрүүтүгэр ыытары былаанныыллар.
Түөкүттэртэн дьону быыһаабыт баан үлэһиттэрин наҕараадалаатылар. Ол курдук Арассыыйа баанын салаатыгар саамай болҕомтолоох, эппиэтинэстээх үлэһиттэр…
Оҕону иитэргэ өбүгэлэрбит саҕаттан кэлбит кэс тыллар бааллар. Ол туһунан хаһан эмэ истибиккит буолаарай? Кыыс…
Бүгүн, олунньу 6 күнүгэр, Офтальмология өрөспүүбүлүкэтээҕи балыыһатын кылаабынай бырааһа Иван Луцкан суруналыыстары кытары үгэскэ кубулуйбут…
Горнай улууһугар Атамай орто оскуолатыгар сыллата "Сомоҕолоһуу - ситиһии төрдө" диэн төрөппүт дэкээдэтэ үрдүк таһымнаахтык…
Майаҕа быйыл "Ларионов ааҕыыларыгар" өрөспүүбүлүкэ оскуолаларыттан 500 оҕо кытынна. Бүгүн саха биллиилээх учуонайа, профессор Владимир…
В.Д.Лонгинов аатынан Атамай орто оскуолатын алын сүһүөх кылааһын алта эдэр чинчийээччитэ Бүтүн Арассыыйатааҕы "Юный исследователь"…