Дьокуускай «Мы вместе» аахсыйаҕа кыттыста

Дойду үрдүнэн «Крокус сити холл» комплекса буолбут теракт сиэртибэлэрин кэриэһигэр «Мы вместе» аахсыйа ыытыллар.

Аахсыйа чэрчитинэн, киин куорат Кыайыы болуоссатыгар «Москва куората-Дьоруой» пааматынньык мемориалын  иннигэр «Өйдөбүнньүк чүмэчи» тэрээһин буолла.

««Крокус сити холл» теракт буолбута тоҕус хонук ааста. Кулун тутар 30 күнүгэр Дьокуускай куорат уопсастыбаннаһа, «Кыайыы Волонтердара» чилиэттэрэ, куорат дьаһалтатын волонтердара теракт сиэртибэлэрин ытыктыырга кэллилэр. Маннык теракт өссө хаһа да хатыланыа суоҕа диэн эрэнэн туран, бары кэлбиттэр чүмэчи уураллар», — диэтэ «Кыайыы Волонтердара» Саха сиринээҕи толорооччу дириэктэрэ Тимур Егоров.

«Крокус сити холл» комплекска теракт кулун тутар 22 күнүгэр киэһэ буолбута. Бу кэмҥэ «Пикник» бөлөх кэнсиэрэ буолуохтаах этэ. Маааскалаах дьон көрөөччүлэри саанан ытыалаабыттара уонна эбийиэги умаппыттара.