Дьокуускай олохтооҕо 250 тыһ.солк. суумаҕа доҕорун аатыгар микрозайм оҥотторон ылбыт

ИДьМ 3 №-дээх полициятын дьуһуурунай чааһыгар эр киһи кини аатыгар биллибэт киһи кирэдьиит оҥотторон ылбытын туһунан тыллаабыт. Ол туһунан эмсэҕэлээччи микрозайм тэрилтэттэн СМС кэлбитигэр билбит. Уопсайа 250 тыһыынча солкуобай суумаҕа биэс займ оҥоһуллубут. Бу туһунан ИДьМ пресс-сулууспата суруйар.

Сибээс уонна интэринэт ресурсаларын сириэстибэлэринэн туһанан оҥоһуллубут уоруйахтары булууга отделение үлэһиттэрэ суһал-ирдиир дьаһалларынан 46 саастаах эр киһини туппуттар. Эмсэҕэлээччи билэр киһитэ — доҕоро буолара быһаарыллыбыт.

Силиэстийэ быһаарыытынан, бу иннинэ эр дьон иккиэн төлөпүөн нөҥүө кирэдьиит сайаапкатын ыыппыттар. Бу сыалга төлөпүөҥҥэ эмсэҕэлээччи дааннайдарын укпуттар. Ол эрээри, ити кэмҥэ кирэдьиити оҥорторуу кыаллыбатах. Сотору кэминэн уорбаланааччы доҕорун дааннайдарын туһанан, бэйэтигэр кирэдьиит харчытын ылан, тус наадатыгар ороскуоттаабыт. Холуобунай дьыала тэрилиннэ. Буруйдаах 2 сылга диэри болдьоххо көҥүлэ быһыллыан сөп.