Дьокуускай олохтооҕо автосервискэ туттарбыт массыынатын булбатах

Киин куоракка ИДьМ 3 №-дээх полициятын отделыгар биир автосервис килийиэнэ сайабылыанньа суруйбут.

Дьокуускай олохтооҕо автосервискэ өрөмүөннэтэ туттарбыт массыынатын анаммыт күнүгэр тиийэн ыларыгар булбатах. Кэлин биллибитэ автосервис 37 саастаах үлэһитэ массыынаны бас билэн бэйэтин наадатыгар туһана сылдьыбыт.

Силиэстийэ быһаарыытынан, автосервис килийиэнэ массыынатын рихтовкалата туттарбыт. Маастар өрөмүөн үлэтэ биир ый устата оҥоһуллар диэн эрэннэрбит уонна ол кэм тухары массыынаны бэйэтин наадатыгар сүүрдэ сылдьыбыта билиннэ. Килийиэн полицияҕа тыллаабыт. Холуобунай дьыала тэрилиннэ. Уорбаланааччы буруйун билиннэ, тырааныспары хаһаайыныгар төнүннэрдилэр диэн ИДьМ пресс-сулууспата суруйар.