Дьокуускай олохтооҕо баһыылкатын ылаары 1,5 мөл.солк. сүтэрдэ

Алдан оройуонун 64 саастаах олохтооҕо аферистар угаайыларыгр киирэн биэрдэ уонна 1,5 мөлүйүөн солкуобай харчытын сүтэрдэ.

Бу туһунан Саха сиринээҕи ИДьМ пресс-сулууспатыгар кэпсээтилэр.

Түөкүттэргэ киирэн биэрии историята эр киһи атын куоракка олорор кыыһыттан баһыылка кэлэрин күүппүтүттэн саҕаламмыт. Ити кэмҥэ киниэхэ «буоста үлэһитэ» буолан кубулунан аферистар эрийбиттэр уонна баһыылка айан суолга алдьаммытын туһунан биллэрбиттэр. Толуйуу сууматын ыларга эр киһиттэн эпэрээссийэни бигэргэтэргэ смс-иһитиннэриилэр кодтарын биэрэргэ көрдөспүттэр. Онтон «атын» сулууспалартан — баантан, быраабы араҥаччылыыр уорганнартан эрийэр буолбуттар. Аҕам саастаах киһини дэлби бутуйан, араас бааннарынан кирэдьиит ылбыт уонна түөкүттэргэ ыыппыт. Билигин полиция дьыаланы силиэстийэлиир.