Дьокуускай олохтооҕо кэргэнин кырбаан ыстарааптанна

Дьокуускайга олорор эр киһи кэргэнин кырбаабытын иһин 5 тыһыынча солкуобай ыстараабы төлүөҕэ. Дьокуускайдааҕы суут кулун тутар ыйга кэргэнин кырбаабыт эр киһи дьыалатын көрбүт.

Онно биллэринэн, 2022 сыл сайыныгар, бэс ыйын 10 күнүгэр Дьокуускай куорат 202 микро-оройуонугар олорор эр киһи дьиэтин иһигэр ойоҕун кырбаан эчэппит.

Арассыыйа Федерациятын административнай быраабы кэһии иһин 6.1.1 ыст. дьыала тэриллибит. Ол эрээри эспиэрдэр быһаарбыттарынан, дьахтар доруобуйатыгар улаханнык дьайар эчэйиилэри ылбатах. Суут кэмигэр эр киһи буруйун толору билиммит. Оттон кэргэнэ эйэлэһиинэн ситимнээн, дьыаланы тохтотор туһунан быһаарыммыт.

Суут уурааҕынан, эр киһи буруйдаах буолан накаастабылыгар 5 тыһыынча солкуобай ыстараабы төлүөҕэ.